ardentis fecundus aquae; quacumque cavernas
perforat, offenso truditur igne latex.
spirat putre solum, conclusaque subter anhelo 15
pumice rimosas perfodit[85] unda vias.
umida flammarum regio: Vulcania terrae
ubera, sulphureae fervida regna plagae.
quis sterilem non credat humum? fumantia vernant
pascua; luxuriat gramine cocta silex 20
et, cum sic rigidae cautes fervore liquescant,
contemptis audax ignibus herba viret.