inde vago lapsu Libyam dispersus in omnem 15
Aethiopum per mille ruit nigrantia regna
et loca continuo solis damnata vapore
inrorat populisque salus sitientibus errat
per Meroën Blemyasque feros atramque Syenem.
hunc bibit infrenis Garamas domitorque ferarum 20
Gyrraeus, qui vasta colit sub rupibus antra,
qui ramos ebeni, dentes qui vellit eburnos,
et gens compositis crinem velata sagittis.
Nec vero similes causas crescentibus undis