claram Scipiadum taceat Cornelia gentem
seque minus iactet Libycis dotata trophaeis.
cardine tu gemino laurus praetendis avitas:
inde Caledoniis, Australibus inde parentum 45
cingeris exuviis. necdum moderamina mundi
sumpserat illa domus, cum te Lucina beatis
adderet astrorum radiis, o maxima rerum
gloria: post genitam didicit regnare Serenam.
Quid dignum memorare tuis, Hispania, terris 50
vox humana valet? primo lavat aequore solem