mutua Ledaeos devinxit cura Lacones:
addidit et proprio germana vocabula nato
quaque datur fratris speciem sibi reddit adempti. 110
denique cum rerum summas electus habenas
susciperet, non ante suis intendit amorem
pignoribus quam te pariter fidamque sororem
litus ad Eoum terris acciret Hiberis.
Deseritur iam ripa Tagi Zephyrique relictis 115
sedibus Aurorae famulas properatur ad urbes.
incedunt geminae proles fraterna puellae: