o quantum formae sibi conscius erigit armos
spargit et excussis colla superba iubis! 10
augescit brevitas doni pietate Serenae,
quae volucres etiam fratribus ornat equos.
XLIX. (XLVI.)
De torpedine.
Quis non indomitam dirae torpedinis artem
audiit et merito signatas nomine vires?
Illa quidem mollis segnique obnixa natatu
reptat et attritis vix languida serpit harenis.