ad depellendos iaculum cum quaereret hostes,
germani rigidum misit pro rupe cadaver.
Hic vero interitum fratris miratus Echion
inscius, auctorem dum vult temptare nocendo, 105
te, Dea, respexit, solam quam cernere nulli
bis licuit. meruit sublata audacia poenas
et didicit cum morte deam. sed turbidus ira
Palleneus, oculis aversa tuentibus atrox,
ingreditur caecasque manus in Pallada tendit. 110
hunc mucrone ferit dea comminus; ac simul angues