(XXXV.)
Impulit Ionios praemisso lumine fluctus
nondum pura dies; tremulis vibratur in undis
ardor et errantes ludunt per caerula flammae.
iamque audax animi fidaeque oblita parentis
fraude Dionaea riguos Proserpina saltus 5
(sic Parcae iussere) petit. ter cardine verso
praesagum cecinere fores; ter conscia fati
flebile terrificis gemuit mugitibus Aetna,
nullis illa tamen monstris nulloque tenetur