cernentes oculos et late pervius umor 115
ducit inoffensos liquido sub flumine visus
imaque perspicui prodit secreta profundi.
[huc elapsa cohors gaudet per florida rura.][125]
Hortatur Cytherea legant. “nunc ite, sorores,
dum matutinis praesudat solibus aër, 120
dum meus umectat flaventes Lucifer agros
roranti praevectus equo.” sic fata doloris
carpit signa sui. varios tum cetera saltus
invasere cohors: credas examina fundi