quantum non iaculum Parthi, non impetus Austri, 200
non leve sollicitae mentis discurrit acumen.
sanguine frena calent; corrumpit spiritus auras
letifer; infectae spumis vitiantur harenae.
Diffugiunt Nymphae: rapitur Proserpina curru
imploratque deas. iam Gorgonis ora revelat 205
Pallas et intento festinat Delia telo
nec patruo cedunt: stimulat communis in arma
virginitas crimenque feri raptoris acerbat.
ille velut stabuli decus armentique iuvencam