o fortunatas alii quascumque tulere 260
raptores! saltem communi sole fruuntur.
sed mihi virginitas pariter caelumque negatur,
eripitur cum luce pudor, terrisque relictis
servitum Stygio ducor captiva tyranno.
o male dilecti flores despectaque matris 265
consilia! o Veneris deprensae serius artes!
mater, io! seu te Phrygiis in vallibus Idae
Mygdonio buxus circumsonat horrida cantu,