iam pridem neglecta mihi, Saturnia postquam 20
otia et ignavi senium cognovimus aevi;
sopitosque diu populos torpore paterno
sollicitae placuit stimulis impellere vitae,
incultis ne sponte seges grandesceret arvis,
undaret neu silva favis, neu vina tumerent 25
fontibus et totae fremerent in pocula ripae
(haud equidem invideo—neque enim livescere fas est
vel nocuisse deos—sed, quod dissuasor honesti
luxus et humanas oblimat copia mentes),