seu circum trabeis fulgentibus aureus intres,
seu celebres ludos, solio seu fultus eburno
cingas iure forum, denso seu turbine vulgi 200
circumfusa tuae conscendant rostra secures.
Quae vero procerum voces, quam certa fuere
gaudia, cum totis exurgens ardua pennis
ipsa duci sacras Victoria panderet aedes!
o palma viridi gaudens et amica tropaeis 205
custos imperii virgo, quae sola mederis
vulneribus nullumque doces sentire laborem,