"Ad regnum Domini dextrâ invitatus et ore,
Huic sacra Romanus credidit ossa loco;
Sontibus addixit quæ cæca rebellio flammis,
Nec tulit impietas majus in urbe scelus.
Quid tanto vesana malo profecit Erynnis?
Ipsa sui testis pignoris extat humus.
Crypta manet, memoresque trahit confessio cives,
Nec populi fallit marmor inane fidem.
Orphana, turba, veni, viduisque allabere saxis,
Est aliquid soboli patris habere thorum."