Millia marcharum, quas Rex donaverat illi.
Tam detestanda pollutus cæde Johannes
Ad fratrem properat; sed Rex tam flagitiosus
Non placuit fratri: quis enim, nisi dæmone plenus,
Omninoque Deo vacuus, virtute redemptus
A vitiis nulla, tam dira fraude placere
Appetat, aut tanto venetur crimine pacem?
Sed quia frater erat, licet illius oderit actus
Omnibus odibiles, fraternæ foedera pacis
Non negat indigno, nec eum privavit amore,