Fro the bellue[[153]] he hyr delyueryd
And wyth his streynght hir from hym revede,
As a ryght good errant myghtty knyghte
Brought hyr ageyne to hir kyne ful ryght.
Thys dede in yowre mynde loke that it holde,
For a good knyght shuld kepe that is bolde
Thys wey, if that he will haue exprese
Wyrchip, which is mych better than ryches.
Hys shynnynge shelde than loke thou opon,
The which haue euer ouercome many one.