Ogy. So it is, but here out me tale. This mylke is kepyd apon the hye aultre, and in the myddys ther is Christe, wt his mother apon hys ryght hand, for her honor sake, the mylke dothe represente the mother.
Me. It may be sene than?
Ogy. It is closyd in crystalle.
Me. It is moyste thã?
Ogy. What tell you me of moystenes, whã it was mylkyd more than a thowsand and fyue hunthrithe yere agone, it is so congelyd, that a mã wold saye that it were chalke temperyd with the whyte of a egge.
Me. Ye, but do thay sette it forthe bare?
Ogy. No, lest so holy mylke shuld be defowlyd with the kyssynge of men.
Me. You say well. For I suppose yt ther be many that kysse it, whiche be nother clene mouthyd, nor yet be pure virgynes.
Ogy. Whan ye sexten sawe vs, he dyd runne to the aultre, & put apon hym his surplese, & his stole about his nekke, knelyd downe relygyously, and worshipyd it, and streghtforthe dyd offre the mylke to vs to kysse. And at the ende of the aultre we knelyd downe deuoutly, & the fyrste of all we salutyd Christe, & than after we callyd apon our lady with thys prayer, whiche we had mayd redy for the same purpose. O mother & mayde, whiche dyd gyue sukke with thy virgynes teates the lorde of heuen and yerthe, thy sone Iesus Christe, we beynge puryfyed thorowe hys precyous blode, do desyre that we may attayne, and come to that blessyd infancye of thy colombynes meknes, whiche is immaculate without malice, frawde, or diseyte, and with all affectyon of harte dothe couett and stody for the heuenly mylke of the euangelicall doctryne, to go forthe and encrease with it into a perfaycte man, into the mesure of the plentefulnes of Christe, of whose cõpany thou haste the fruycyon, togyther with the father, & the holy ghost for euermore, so be it.
Me. Uerely thys is a holy prayer. But what dyd she?