Ogy. Thay do so dylygêtle watche lest any mã shulde entre in to the quere of yron, that thay wyll skarsly suffre a man to loke apon it, whiche is betwyxte the greate churche & the hye quere (as thay calle it) a man that wyll go thyther must clyme vp many stayres byfore, vndre the whiche there is a certayne wykyt with a barre yt openythe the dore apon the northe syde. There standythe forthe a certayne aultre whiche is dedycate to our lady, it is but a lytle one, and I suppose set there for no other purpose, but to be a olde monumêt or sygne, that in thos dayes there was no greate superfluyte. There thay saye that thys blessyd martyr sayd his last good nyght to our lady, whã he shuld departe hensse. In ye aultre is the poynte of the sword that styryd abowt the braynes of thys blessyd martyr. And there lye his braynes shed apon the yerthe, whereby you may well knowe yt he was nere deade. But the holly ruste of thys grat I deuoutly kyssed for loue of ye blessyd martyr. From thens we wêt vndre the crowdes, whiche is nat withowt hys chaplaynes, & there we sawe the brayne panne of that holy martyr whiche was thraste quyte thorow, all the other was coueryd with syluer, the ouerparte of the brayne panne was bare to be kyssyd, and there with all is seth forthe a certayn leden table hauynge grauyd in hym a tytle of saynte Thomas of Acrese. There hange also the sherte of heyre, & hys gyrdle with hys heren breches where with that noble champyõ chastnyd hys body, thay be horryble to loke apon, and greatly reproue oure delycate gorgeousnes.
Me. Ye perauêture so thay do the mõkes slotefulnes.
Ogy. As for that mater I cãnat affyrme nor yet denye, nor yet it is no poynte of my charge.
Me. Ye saye truthe.
Ogy. Thã was there broght forthe an arme whiche had yet the redde fleshe apon it, he abhorryd to kysse it, a man myght se by hys countenance that he was nothynge well pleasyd, & than by and by mayster Sexten put vp hys relyques. But than we lokyd apõ the table whiche was apõ the aultre, and all hys gorgeousnes, aftrewarde thos thyngs that were hydde vnder the aultre. ther was nothynge but riches excedynge, a man wold accompte both Midas and Cresus beggers in respecte of thos riches that ther was sett abrode.
Me. What felowe was that?
Ogy. He was an Englyshma callyd Gratiane colte a man bothe vertuouse and well learnyd, but he had lesse affectyon toward pylgremages than I wold that he shuld haue.
Me. One of Wyclyffes scoleres I warrante you?
Ogy. I thynke nat, althoghe he had redde hys bokes, how he came by thaym I cannat tell.
Me. He dysplesyd mayster Sextê greuosly.