Alice. Coom, du fowlenser, odder ’s gebt ’n rumpus derhame waun mer so long bleiva. Wass wærd de olt fraw sawga?
Lor. Well, ’s is net my shoold, for du bisht ivver a dootzend mohl de lane uf un ob g’luffa un husht for der shoolmaishter Knickerbocker ous gogookt.
Alice. Du haltsht mer now ’s maul—’s is net wohr!
Lor. Well now—du waisht os ’d ’n gleichsht?
Alice. Un we waisht now sell?
Lor. Oh sell con mer sana un nemond brauch ’s ame sawga. Un ich wase aw os ’d jealous bisht weaga eem.
[Knickerbocker advances L. H.
Alice. Jealous, weaga eem! Nay, sell is net wohr—ich ferlong si weesht g’sicht gor nimmy aw gooka.
Knick. Coom now—shwetz net sellerwaig—wann ich glawa date os du mainsht wass du sawgsht don date ich mich grawd dode sheesa.
Alice. Oh, sell wær awer tzu orrick for wann ’d sell du date’sht don glawb ich so g’wiss ich labe os di shpook mer ivverall noch lawfa date.