Receipt, dated Sept. 24, 1394, in which Jehan Micton, hangman, acknowledges that he received the sum of fifty sous tournois from Thomas de Juvigney, viscount of Mortaing, for having hanged a pig which had killed and murdered a child in the parish of Roumaygne.
A tous ceulx qui ces lettres verront ou orront, Jehan Lours, garde du scel des obligacions de la vicomté de Mortaing, salut, Sachent tous que par devant Bynet de l’Espiney, clerc tabellion juré ou siege dudit lieu de Mortaing, fut present mestre Jehan Micton, pendart,[9] en la viconté d’Avrenches, qui recognut et confessa avoir eu et repceu de homme sage et pourveu Thomas de Juvigney, viconte dudit lieu de Mortaing, c’est assavoir la somme de cinquante souls tournois pour sa paine et salaire d’estre venue d’Avrenches jusques à Mortaing, pour faire acomplir et pendre à la justice dudit lieu de Mortaing, un porc, lequel avait tué et meurdis un enfant en la paroisse de Roumaygne, en ladite viconté de Mortaing. Pour lequel fait ycelui porc fut condanney à estre trayné et pendu, par Jehan Pettit, lieutenant du bailli de Co ... rin, es assises dudit lieu de Mortaing, de laquelle somme dessus dicte le dit pendart se tint pour bien paié, et en quita le roy nostre sire, ledit viconte et tous aultres. En tesmoing de ce, nous avons sellé ces lettres dudit scel, sauf tout autre droit. C’en fut fait l’an de grace mil trois cens quatre-vings et quatorze, le XXIIIIe jour de septembre. Signé J. Lours. (Countersigned) Binet.
[Extract from the manuscripts of the Bibliothèque du Roi. Vide Mémoires, ibid. pp. 439-40.]
Attestation of Symon de Baudemont, lieutenant of the bailiff of Mantes and Meullant, made by order of the said bailiff and the King’s proctor, on March 15, 1403, and certifying to the expenses incurred in executing a sow that had devoured a small child.
A tous ceuls qui ces lettres verront: Symon de Baudemont, lieutenant à Meullant, de noble homme Mons. Jehan, seigneur de Maintenon, chevalier chambellan du Roy, notre sire, et son bailli de Mante et dudit lieu de Meullant: Salut. Savoir faisons, que pour faire et accomplir la justice d’une truye qui avait devoré un petit enffant, a convenu faire necessairement les frais, commissions et dépens ci-après déclarés, c’est à savoir: Pour dépense faite pour elle dedans le geole, six sols parisis.
Item, au maître des hautes-oeuvres, qui vint de Paris à Meullant faire ladite exécution par le commandement et ordonnance de nostre dit maistre le bailli et du procureur du roi, cinquante-quatre sols parisis.