13. Une petite Lucresse aussi taillée en bois.
14. Item delivré audit garde-joyaulx, depuis cest inventoire fait, la pourtraicture des nayn et nayne du Roy de Dannemarcque faicte par Jehann de Maubeuge, fort bien fait.
15. Ung petit manequin taillé aussi de mesme bois, à la semblence de maistre Conrart.
16. Ung petit homme nu, taillé en bois, qu'il tient ung chien en l'une de ses mains et ung gros baston en l'aultre.
17. Vingt tableaux de painctures estans à l'entour du manteau de la chemynée et ailleurs, assavoir la pourtraicture du Roy d'Angleterre; 18, celle de feu monseigneur de Savoie; 19, celle du Roy Loys de France; 20, celle de l'empereur trespassé; 21, celle de la Royenne de France; 22, celle du Roy de Dannemarque; 23, celle du Grant Turcq; 24, celle d'ung vieux homme et une vielle femme; 25, ung Sainct François; 26, ung personnaige en manière d'ung docteur; 27, la Royenne d'Espaigne, moderne; 28, le Roy Philippe; 29, la pourtraicture dudit feu monseigneur de Savoie; 30, trois visaiges de gens d'eglise dont l'ung est habillé en cardinal; 31, ung tableau de Notre Dame; 32, ung petit tableau figuré de certaine bataille où il y a ung empereur sur ung cheval ousser, la ousse semée de fleurs de liz sur azul et la pourtraiture de Mitelze (Nutelze ou Imtelze?).
33. Une teste de cerf avec la ramure, estant au milieu du manteau de la chemynée, à ung cruxifis en chief.
34. Les pourtraitures en toile de madame Mairie, l'empereur, et de mes trois dames ses sœurs en V. pièces.
35. Une grande paincture en toille, représentant aucunes armes et batailles d'Italie.
36. Ung Sainct Anthoine sur toille.[152]