Aultres pièces de Brodure et aultres tableaux et painctures estans dedans les armaires.
(Je ne citerai, parmi les tableaux faicts de brodure, que le No. 149, il suffira pour montrer que c'était bien l'equivalent de peintures.)
149. Ung tableau de brodure, du chief de NS. à couronne d'espine, fêtes de fil d'or et d'argent, qui se clot à feullets, doublé des deux costés de satin noir, ferré de ferreres d'argent, au commencement de l'ung des feulletz est escript: vere langores nostros, etc.
150. Ung riche et fort exquis double tableau de Nostre Dame, doublé par dehors de satin brochier et monseigneur le duc Charles de Bourgogne painct en l'ung des fulletz estant à genoux, habillé de drapt d'or, à ung cousin de velours noir et une heure estant sur son siège devant luy, le bors dudit tableau garnis de velours verd, avec trois ferrures d'argent doré servant audit tableau.
151. Ung double tableau de bois de cyprès, en l'ung est portrait l'assumption Nostre Seigneur et en l'aultre l'ascencion de Nostre Dame, auquel tableau il y a deux ferrures d'argent.[163]
152. Item en une petite boite en forme de liette de bois, il y a xxii petits tableaux, fait comme il semble tout d'une main, dont la paincture est bonne, de grandeur et largeur ung chacun d'ung tranchoir, figurez de la vie NS. et aultres actes après sa mort. Le premier est figuré de la temptation fête à NS. par le diable; (153 to 172).
173. Ung tableau de Nostre Dame assise en ung tabernacle de massonnerie assez hautelet.
174. Ung petit tableau carré de la Trinité à ung tabernacle de menuiserie et grande multitudes d'anges des deux costés. Le aucuns tenant la croix et aultres figures de la Passion.[164]
175. Ung petit tableau, qui se clot à ung fullet, painct de noir, de la portraiture de l'Empereur Fredericq, iiie de ce nom, la robbe de damas à couleur de pourpre, à ung bouton d'or devant, pourtant ung bonnet rond; le fond dudit tableau d'asul.[165]