200. Ung aultre bien petit tableau de bois, où il y a une teste d'ung homme eslevée avec certaine escripture des deux lignes, fête sur couleur rouge et est bien de petite valeur.
201. Une petite Nostre Dame en papier, fête de Illyminure, tenant son fils, son habit d'asul et une petite bande dessus bordée d'ung petit bore d'argent de bassin.
202. Ung petit tableau d'ivoire, à ung vieux personnaige pourtant la thoison d'or les quatres coins dudit tableau d'argent doré et sur ung chacun ung fusil pendant à une petites chaine d'argent.
203. Ung aultre petit tableau carré d'argent doré, le fond d'esmail rouge, à ung personnaige ayant le visaige fait d'ung camehu, derrière lequel tableau est escript le duc de Berry.
204. Ung myroir assiz en gaie (jais) noir, fait en manière de cueur, et de l'autre costel ung cueur en presse sur une marguerite.
205. Ung aultre myroir petit, en forme de losanges, de petite valeur.
206. Ung petit Sainct Jacques, taillé de geitz noir, assiz sur ung pillier de mesme, à trois coquilles en chiefz.
207. La portraiture de feu monseigneur de Savoie, taillée en bois, bien-fête. La portraiture de Madame semblablement taillée en bois, aussi bien fête.
Médailles.
208. Une médaille d'estain, d'ung coustel la portraiture du roy d'Arragon et de l'aultre un roy tenant une espée fichée dedans trois couronnes.