"So Lepped call de pickin, en he gie um to Spider wid fine present. Spider take de pickin, en he kare um inside one fench wey he build, fo' doctah um. He tell Lepped say, he say: 'Make nobody no come inside heah, en yo'se'f no mus' come inside heah.'
"So Spider dig one long hole f'om he yown home to dah place wey he duh doctah dem pickin. W'en he done kare dem pickin inside, he run t'rou' dis hole, en he go to heen ho'se. He call he yown pickin, he say, make dem bring pot, en ress, en palm-ile, en salt, en peppy. So w'en heen pickin done bring all dis, Spider grip Lepped heen pickin, en he kill dem. He make de pickin cook plenty ress, en he yeat dem all, he en him pickin, but he tell him pickin, make dem no yeat dem bone.
"So aftah one moon, Spider go out to Lepped, he say: 'I ready fo' pull yo' pickin now, dey done well. But w'en I duh pull dem pickin, I go tie rope 'pon dem, make yo'se'f draw dem out.'
"So Spider hese'f he go pass t'rou' dis hole heah, he go nah he yown home. Den he gie signal to Lepped fo' make he draw he pickin out; but w'en Lepped draw, he see soso (merely) bone, en he fa' down yandah fo' cry.
"W'en do' clean, Lepped take hese'f, he put hese'f inside one hamper, en he put coal[54] 'pon hese'f, en he call heen servant, en he tell heen servant, say: 'Tie me good fashion wid dis cord, en kare me to Spider, en tell um, say: 'Now me sen' coal fo' um,' fo' Spider was a blacksmit' at dis tem now.
"So heen servant take de hamper, en he kare um go to Spider, en he tell um say: 'Daddy Lepped say: "Make I bring dis coal fo' yo'."'
"But Spider look de coal, he see Lepped lay down bottom, he tell he servant say: 'All ret.'
"So Spider take one iron, he put um nah fiah, en de iron red hot. He say: 'Make I try dis coal, ef now good coal dis.'
"So he take dis iron, en he chook um t'rou' dis hamper. Den Lepped holler, en he kill Lepped deh, en make big dinnah fo' hese'f en he pickin."