"De Frog say: 'I bin go tell yo', but w'en yo' fine anyt'ing sweet fo' yeat, yo' nebber slack fo' go aftah de same t'ing. Yo' nebber say, "Make I wait," so ef I tell yo', yo' go kill pusson cow, en I no able de palaver. I know yo', yo' get big yi.'
"Spider say: 'No, fren', I no go do so.'
"Well, de Frog tell um say. 'All ret, mus' come to-morrow mawnin', early in de mawnin'.'
"Spider say: 'All ret.' He no sleep; middle de net he get up, he go to de Frog heen do', he say:
"'Brah, (Brother,) day done broke.'
"De frog come out, he say: 'No, day no broke, do' no clean; wait leelee bit mo'.'
"Spider go lay down fo' few minute, den he get up, he too eager. He go to de Frog heen do'-mout', he make noise lek fowl kin make w'en day wan' break: 'Kokooriko-o-o!' Den he knock. 'Kong, kong!' He say: 'Brah, day done broke.'
"De Frog say: 'Ah, no! Yo' see yo' yown trick; not yet.'
"Spider go fo' few minute, he come ag'in, he holler lek one bird. Day kin done begin fo' break, yo' see leelee clear befo' dis bird make noise: 'Dew, dew, dew, dew!'