'Mammy, mammy, sorry fo' me,
I duh trouble.
Come back nah wuld,
Come back.'
"By dis tem de mammy done pull all heen skin, he foot lef'. Now he pull he foot, one foot; de one lef'. De pickin beat, he beat, he beat. Now de mammy all come out. De girl go hole he mudder, take um go inside de ho'se dey get, but befo' he do dis, he bin take dis ress-'tick, he sen' um to he step-mudder, wey bin make um go to de debble place fo' was' de 'tick.
"Well, de step-mudder, w'en he see all de money, en all de fine style, en all de plenty, plenty t'ing wey dis he mate (her associate wife's) pickin get, he do careless, he t'row 'way dis 'tick-'poon 'pon de groun', he tell he yown pickin, he say: 'Make yo' mus' go was' um.'
"But he yown pickin he no train up, he no 'fraid anyt'ing, he no respec' anyt'ing wey he see. So w'en he duh go nah road, he meet de hoe-handle 'tan' up nah road, dey say: 'Tittie (sister), how do?'
"De girl duh vex, he say: 'Make I pass. I nebber see t'ing lek dat, nebber see hoe-handle wey (which) duh talk.'
"Dem 'tick heah bin de debble, wey turn hese'f to different t'ing.
"De pickin go tay (till) he meet de one man wid one yi'. De man say: 'Tittie, how do?'
"De girl vex, he say: 'I nebber see pusson get one yi' middle heen head.' He say: 'Make I pass, I duh go was' me mammy he ress-'tick; no tell me how do.'
"De pickin duh talk bad all to dis man. He go tay he meet de daddy hese'f, se'f, se'f, wey get de wattah side. So de debble call um fo' try um, he say: 'Tittie, come feel me louse.'
"De pickin no know say de debble get plenty yi', so w'en he duh feel dis debble he louse, he see de bald head, he make as ef he wan' fo' conk (strike) um."