"De pickin duh say: 'No, sah, me craw-craw duh hurt me, en me nebber sleep 'pon bed. I ken lay down 'pon pile country clo'es.'[48]
"De debble go bring plenty country clo'es, he make fine bed fo' um. He put de pickin deh, make um sleep, so he kin yeat dis ooman. But dis ooman duh sleep oh! He duh sleep, he no know anyt'ing wey duh go on.
"Well, de man mean say de pickin done sleep, en he take he knef, he duh sharp, sharp um, make he come broke de ooman he head. He say: 'Fo' yeat pusson, he good, he sweet, en dis ooman he fat.'
"But dat pickin no sleep oh! He cough en de debble say: 'Pickin, yo' no sleep yet?'
"De pickin say: 'No, sah, hangry done ketch me.'
"De pickin know say dis man wan' yeat dah ooman, so he duh try make he mus' get some way fo' sabe um (save her); dah make he duh talk all light t'ing yeah. W'en dah debble gie um yeat, he go put de pickin agin nah de bed, make he lay down sleep. De tem nar middle net. Well, dis man yeah, w'en he done sit down long tem, he mean say de pickin done sleep. He take he knef agin, he sharp um. Now de pickin duh kratch, kratch he skin. De debble hebe he knef down quick, he go ax de pickin: 'Wey t'ing make yo' no sleep yet? Wey t'ing dey kin do fo' yo' craw-craw w'en yo' bin deh to yo' Mammy?'
"De pickin say: 'Dey kin take fis'-net, go take wattah nah wattah-side fo' was' um. I wan' was', but I nebber was' wid wattah wey dey bin get nah bowl, excep' de wattah fus' inside fis'-net, befo' dey turn um nah de bowl.'
"So de debble he grap (get up), he go nah wattah-side, he kare fis'-net en bowl. W'en he duh duck de fis'-net inside wattah so, en he hase de fis'-net, de wattah all lef back. Because he wan' hurry yeat de ooman, he stupid; he no wait t'ink he no able get wattah wid fis'-net. De pickin bin ax dis t'ing wey hard fo' do, fo' make leelee chance fo' sabe de ooman. He wake de ooman, he say: 'Yo' no know dat debble wan' kill yo' dis net yeah? Nar lie I tell um, say he mus' get wattah wid fis'-net befo' I kin was'. He done go. Grap (get up), make we come go; ef no so, ef he meet yo', he go kill yo'.'
"Dis boy yeah en dis ooman dey start, dey walker hard dah net. Well, dah debble, w'en he no able get dis wattah, he come nah ho'se, he meet de ooman en de pickin done go. So he run go follow dem. He walker sotay he wan' go meet dem, but dis pickin hearee de debble duh come behine, he say: 'Come hide!' So dey hide. De debble go sotay he wan' reach nah town, but he no meet dem, so he come back. Dis ooman en de pickin pass, go home.