Atu ai i te taata pihei te umu, ia oti taua umu ra i te pihei, haere aturaa tupua i te hiti o te umu a parau tana a haere ai i reira.
Teie tana parau: E na taata e tia i te hiti ote umu nei, pirae uri e pirae tea. E tu’u atu i te nu’u Atua ia haere i te umu.
Ei reira Tupua parau ai: E te pape e a haere! E te miti e a haere!
Tairi hia’tura te rauti i te hiti o te umu raparau faahou, atura te tahua. Te Vahine tahura’i e po’ia te tu’u raa ia o te avae iroto i te umu, ei reira toa te mau taata i hinaaro i te haere na roto i te umu ra e haere. Ai na muri iho eiaha ra te hoe taata e fariu imuri; te taata hopea ra te tuo i te tahua e fariu; na fariu ia, mai te mea e tuo te taata i ropu e fariu, tau roa te taata i ropu e fariu, pau roa te taata i te auahi; na reira toa ia haere no te aano o te umu.
Te i te huru o taua ohipa ra, e ohipa tiaporo te tumu ia i taua ohipa a Tupua ra.
E vahine varua ino teie tona ioa o te Vahine tahura’i. O pirae uri, o pirae tea, i ore ratou ia parau hia.
Aita e faufaa i taua ohipa ra. Eiaha Roa’tu orua a rave i taua ohipa ra i te fenua Papa’a na e ama te taata i te anahi, no te mea e ere i te ohipa mau, e ohipa varua ino no te po te reira te huru o taua ohipa a Tupua ra.
Tereira te mau havi rii i roa’a mai ia’u no tau a ohipa ra. Tirara.
Taumihau tane.
This is the word of the oven of Tupua.