Haud aliter tristicie nebulis dissolutis.
Right so, and non other wyse, the cloudes of sorwe dissolved
and don a-wey, I [took] hevene, and receivede minde to knowen the
face of my fysicien; so that I sette myn eyen on hir, and fastnede
my lookinge. I [beholde] my norice Philosophie, in whos houses
5
I hadde conversed and haunted fro my youthe; and I seide thus.
'O thou maistresse of alle vertues, descended from the soverein
sete, why artow comen in-to this solitarie place of myn exil?
Artow comen for thou art maked coupable with me of false