50
ydel Ioyes? Why embracest thou straunge goodes as they weren
thyne? Fortune ne shal never maken that swiche thinges ben
thyne, that nature of thinges hath maked foreine fro thee. Sooth
is that, with-outen doute, the frutes of the erthe owen to ben to
the norissinge of bestes. And yif thou wolt fulfille thy nede after
55
that it suffyseth to nature, than is it no nede that thou seke after
the superfluitee of fortune. For with ful fewe things and with ful
litel thinges nature halt hir apayed; and yif thou wolt achoken