ne desire they nat ech of hem by semblable resoun to kepen
that is hirs, that is to seyn, that is acordinge to hir nature in
conservacioun of hir beinge and enduringe? For wher-for elles
bereth lightnesse the flaumbes up, and the weighte presseth
100
the erthe a-doun, but for as moche as thilke places and thilke
moevinges ben covenable to everich of hem? And forsothe
every thing kepeth thilke that is acordinge and propre to him,
right as thinges that ben contraries and enemys corompen hem.
And yit the harde thinges, as stones, clyven and holden hir