that he deme; and lat him techen his sowle that it hath, by natural
principles kindeliche y-hid with-in it-self, alle the trouthe the whiche
he imagineth to ben in thinges with-oute. And thanne alle the
derknesse of his misknowinge shal seme more evidently to sighte of
his understondinge thanne the sonne ne semeth to sighte
20
with-oute-forth.
For certes the body, bringinge the weighte of foryetinge, ne
hath nat chased out of your thoughte al the cleernesse of your
knowinge; for certeinly the seed of sooth haldeth and clyveth