'Thou rennest a-right biforn me,' quod she, 'and this is the
[Iugement]; that is to seyn, I iuge of thee right as thise leches ben
wont to hopen of syke folk, whan they aperceyven that nature is
redressed and withstondeth to the maladye. But, for I see thee
100
now al redy to the understondinge, I shal shewe thee more thikke
and continuel resouns. For loke now how greetly sheweth the
feblesse and infirmitee of wikkede folk, that ne mowen nat comen
to that hir naturel entencioun [ledeth hem], and yit almost thilke
naturel entencioun constreineth hem. [And what] were to demen