woltow seyn of this: yif that a man hadde al forlorn his sighte
and hadde foryeten that he ever saugh, and wende that no-thing
ne faylede him of perfeccioun of mankinde, now we that mighten
seen the same thinges, wolde we nat wene that [he] were blinde?
Ne also ne acordeth nat the poeple to that I shal seyn, the which
155
thing is sustened by a stronge foundement of resouns, that is to
seyn, that more unsely ben they that don wrong to othre folk
than they that the wrong suffren.'
'I wolde heren thilke same resouns,' quod I.