'And certes, thilke thing that exercyseth or corigeth, profiteth?'
'I confesse it wel,' quod I.
'Thanne is it good?' quod she.
'Why nat?' quod I.
30
'But this is the fortune,' quod she, 'of hem that either ben put
in vertu and batailen ayeins aspre thinges, or elles of hem that
eschuen and declynen fro vyces and taken the wey of vertu.'
'This ne may I nat denye,' quod I.
'But what seystow of the mery fortune that is yeven to good