whyle that thilke Agamenon desirede to yeven sayles to the
Grekissh navye, and boughte ayein the windes by blood, he unclothede
him of pitee of fader; and the sory preest yiveth in
sacrifyinge the wrecched cuttinge of throte of the doughter; that
10
is to seyn, that Agamenon let cutten the throte of his [doughter] by the
preest, to maken allyaunce with his goddes, and for to han winde
with whiche he mighte wenden to Troye.
[Itacus], that is to seyn, Ulixes, biwepte his felawes y-lorn, the
whiche felawes the ferse Poliphemus, ligginge in his grete cave,