And thus this companye of Muses y-blamed casten wrothly the
chere dounward to the erthe; and, shewinge by reednesse hir
shame, they passeden sorowfully the threshfold.
55
And I, of whom the sighte, [plounged] in teres, was derked so
that I ne mighte not knowen what that womman was, of so
imperial auctoritee, I wex al abaisshed and astoned, and caste my
sighte doun to the erthe, and bigan stille for to abyde what she
wolde don afterward. Tho com she [ner], and sette hir doun up-on
60