Nec non sanctorum dicta sacrata patrum.
His interserere caveant sua frivola verbis,
Frivola ne propter erret et ipsa manus,
Correctosque sibi quærant studiose libellos,
Tramite quo recto penna volantis eat.
Per cola distinguant proprios et commata sensus.
Et punctos ponant ordine quosque suo,
Ne vel falsa legat taceat vel forte repente,
Ante pios fratres lector in ecclesia.
. . . . .