"What do ye want sae ear's this, Annie Anderson?"
Margaret's first thought was always�-"What can the body be wantin'?"
"I want ye to tak' me in for a while," answered Annie.
"For an hoor or twa? Ow ay."
"Na. For a week or twa maybe."
"'Deed no. I'll do naething o' the kin', Lat them 'at made ye prood, keep ye prood."
"I'm nae prood, auntie. What gars ye say that?"
"Sae prood 'at ye wadna tak' a gude offer whan it was i' yer pooer. And syne they turn ye oot whan it shuits themsels. Gentle fowks is sair misca'd (misnamed). I'm no gaein' to tak' ye in. There's Dawvid Gordon wants a lass. Ye can jist gang till a place like ither fowk."
"I'll gang and luik efter 't direckly. Hoo far is't, Auntie?"
"Gaein' and giein' awa' yer siller to beggars as gin 't war stew
(dust), jist to be a gran' lady! Ye're nane sae gran', I can tell ye.
An' syne comin' to puir fowk like me to tak' ye in for a week or twa!
Weel I wat!"