'What for didna ye tell me 'at Dr. Anderson had gien ye sic a sicht o' siller? It was ill-faured o' ye—an' him as weel.'
''Cause ye wad hae sent it back till 'im; an' Shargar and me we thocht we wad raither keep it.'
'Considerin' 'at I'm at sae muckle expense wi' ye baith, it wadna hae been ill-contrived to hae brocht the siller to me, an' latten me du wi' 't as I thocht fit.—Gang na awa', laddie,' she added, as she saw Robert about to leave the room.
'I'll be back in a minute, grannie,' returned Robert.
'He's a fine lad, that!' said Mr. Innes; 'an' guid 'll come o' 'm, and that 'll be heard tell o'.'
'Gin he had but the grace o' God, there wadna be muckle to compleen o',' acquiesced his grandmother.
'There's time eneuch for that, Mrs. Faukner. Ye canna get auld heids upo' young shoothers, ye ken.'
''Deed for that maitter, ye may get mony an auld heid upo' auld shoothers, and nae a spark o' grace in 't to lat it see hoo to lay itsel' doon i' the grave.'
Robert returned before Mr. Innes had made up his mind as to whether the old lady intended a personal rebuke.
'Hae, grannie,' he said, going up to her, and putting the two sovereigns in her white palm.