'Na. He's young eneuch for ony mischeef; but Black Geordie. What on earth gars him gang stravaguin' aboot upo' that deevil? I doobt he's a kelpie, or a hell-horse, or something no canny o' that kin'; for faith! brither Sandy's no ower canny himsel', I'm thinkin'. But Geordie—the aulder the waur set (inclined). An' sae I'm thinkin' wi' his maister.'

'Did ye iver see yer father, Shargar?'

'Na. Nor I dinna want to see 'im. I'm upo' my mither's side. But that's naething to the pint. A' that I want o' you 's to lat me come hame at nicht, an' lie upo' the flure here. I sweir I'll lie i' the street gin ye dinna lat me. I'll sleep as soun' 's Peter MacInnes whan Maccleary's preachin'. An' I winna ate muckle—I hae a dreidfu' pooer o' aitin'—an' a' 'at I gether I'll fess hame to you, to du wi' 't as ye like.—Man, I cairriet a heap o' things the day till the skipper o' that boat 'at ye gaed intil wi' Maister Ericson the nicht. He's a fine chiel' that skipper!'

Robert was astonished at the change that had passed upon Shargar. His departure had cast him upon his own resources, and allowed the individuality repressed by every event of his history, even by his worship of Robert, to begin to develop itself. Miserable for a few weeks, he had revived in the fancy that to work hard at school would give him some chance of rejoining Robert. Thence, too, he had watched to please Mrs. Falconer, and had indeed begun to buy golden opinions from all sorts of people. He had a hope in prospect. But into the midst fell the whisper of the apprenticeship like a thunderbolt out of a clear sky. He fled at once.

'Weel, ye can hae my bed the nicht,' said Robert, 'for I maun sit up wi' Mr. Ericson.'

''Deed I'll hae naething o' the kin'. I'll sleep upo' the flure, or else upo' the door-stane. Man, I'm no clean eneuch efter what I've come throu sin' I drappit frae the window-sill i' the ga'le-room. But jist len' me yer plaid, an' I'll sleep upo' the rug here as gin I war i' Paradees. An' faith, sae I am, Robert. Ye maun gang to yer bed some time the nicht forby (besides), or ye winna be fit for yer wark the morn. Ye can jist gie me a kick, an' I'll be up afore ye can gie me anither.'

Their supper arrived from below, and, each on one side of the fire, they ate the porridge, conversing all the while about old times—for the youngest life has its old times, its golden age—and old adventures,—Dooble Sanny, Betty, &c., &c. There were but two subjects which Robert avoided—Miss St. John and the Bonnie Leddy. Shargar was at length deposited upon the little bit of hearthrug which adorned rather than enriched the room, with Robert's plaid of shepherd tartan around him, and an Ainsworth's dictionary under his head for a pillow.

'Man, I fin' mysel' jist like a muckle colley (sheep-dog),' he said. 'Whan I close my een, I'm no sure 'at I'm no i' the inside o' yer auld luckie-daiddie's kilt. The Lord preserve me frae ever sic a fricht again as yer grannie an' Betty gae me the nicht they fand me in 't! I dinna believe it's in natur' to hae sic a fricht twise in ae lifetime. Sae I'll fa' asleep at ance, an' say nae mair—but as muckle o' my prayers as I can min' upo' noo 'at grannie's no at my lug.'

'Haud yer impidence, an' yer tongue thegither,' said Robert. 'Min' 'at my grannie's been the best frien' ye ever had.'

''Cep' my ain mither,' returned Shargar, with a sleepy doggedness in his tone.