'Ay, I kent yer father weel eneuch,' she said, now answering Robert—'mair by token 'at I saw him last nicht. He was luikin' nae that ill.'
Robert sprung from his seat, and caught her by the arm.
'Ow! ye needna gang into sic a flurry. He'll no come near ye, I s' warran'.'
'Tell me where he is,' said Robert. 'Where did you see him? I'll gie ye a' 'at I hae gin ye'll tak me till him.'
'Hooly! hooly! Wha's to gang luikin' for a thrum in a hay-sow?' returned she, coolly. 'I only said 'at I saw him.'
'But are ye sure it was him?' asked Falconer.
'Ay, sure eneuch,' she answered.
'What maks ye sae sure?'
''Cause I never was vrang yet. Set a man ance atween my twa een, an' that 'll be twa 'at kens him whan 's ain mither 's forgotten 'im.'
'Did you speak to him?'