“But here I am on my road til a prison, Andrew! I didna think He would hae latten them do't!”
“A bairn micht jist as weel say, whan its nurse lays't intil its cradle, and says: 'Noo, lie still!' 'Mammy, I didna think ye would hae latten her do't!' He's a' aboot ye and in ye, Dawtie, and this is come to ye jist to lat ye ken 'at He is. He raised ye up jist to spen' His glory upo'! I say, Dawtie, did Jesus Christ deserve what He got?”
“No ae bit, Andrew! What for should ye speir sic a thing?”
“Then do ye think God hae forgotten Him?”
“May be He thoucht it jist for a minute!”
“Well, ye hae thoucht jist for a minute, and ye maun think it nae mair.”
“But God couldna forget Him, An'rew: He got it a' for doin' His will!”
“Evil may come upon as from other causes than doing the will of God; but from whatever cause it comes, the thing we have to see to is, that through it all we do the will of God!”
“What's His will noo, An'rew?”
“That ye tak it quaietly. Shall not the Father do wi' His ain child what He will! Can He no shift it frae the tae airm to the tither, but the bairn maun girn? He has ye, Dawtie! It's a' richt!”