“I wadna meddle wi’ men. I lea’ them to the doctors an’ the ministers,” replied Jeames, with another wide, silent laugh.
By this time he had got a pair of scales carefully adjusted, a small tin vessel in one of them, and balancing weights in the other. Then he went to the rack over the dresser, and mildly lamenting his wife’s absence and his own inability to lay his hand on the precise vessels he wanted, brought thence a dish and a basin. The dish he placed on the table with the basin in it and filled the latter with water to the very brim. He then took the horse, placed it gently in the basin, which was large enough to receive it entirely, and set basin and horse aside. Taking then the dish into which the water had overflowed, he poured its contents into the tin vessel in the one scale, and added weights to the opposite until they balanced each other, upon which he made a note with a piece of chalk on the table. Next, he removed everything from the scales, took the horse, wiped it in his apron, and weighed it carefully. That done, he sat down, and leaning back in his chair, seemed to his visitors to be making a calculation, only the conjecture did not quite fit the strange, inscrutable expression of his countenance. The laird began to think he must be one of those who delight to plaster knowledge with mystery.
“Weel, laird,” said Jeames at length, “the weicht o’ what ye hae laid upo’ me, maks me doobtfu’ whaur nae doobt sud be. But I’m b’un’ to say, ootside the risk o’ some mistak, o’ the gr’un’s o’ which I can ken naething, for else I wadna hae made it, ’at this bit horsie o’ yours, by a’ ’at my knowledge or skeel, which is naither o’ them muckle, can tell me—this bit horsie—an’ gien it binna as I say, I cannot see what for it sudna be sae—only, ye see, laird, whan we think we ken a’ thing, there’s a heap ahint oor a’ thing ; an’ feow ken better, at least feow hae a richt to ken better, nor I du mysel’, what a puir cratur is man, an hoo liable to mak mistaks, e’en whan he’s duin’ his best to be i’ the richt; an for oucht ’at I ken, there may hae been grit discoveries made, ohn ever come to my hearin’, ’at upsets a’ thing I ever was gien to tak, an’ haud by for true; an’ yet I daurna withhaud the conclusion I’m driven til, for maybe whiles the hert o’ man may gang the wrang gait by bein’ ower wise in its ain conceit o’ expeckin’ ower little, jist as weel ’s in expeckin’ ower muckle, an’ sae I’m b’un’ to tell ye, laird, ’at yer expectations frae this knot o’ metal,—for metal we maun alloo it to be, whatever else it be or bena—yer expectations, I say, are a’ thegither wrang, for it’s no more siller nor my wife’s kitchie-poker.”
“Weel, man!” said the laird, with a laugh that had in it just a touch of scorn, “gien the thing be sae plain, what gars ye gang that gait aboot the buss to say ’t? Du ye tak me and Cosmo here for bairns ’at wad fa’ a greetin’ gien ye tellt them their ba-lamb wasna a leevin’ ane—naething but a fussock o’ cotton-’oo’, rowed roon’ a bit stick? We’re naither o’ ’s complimentit.—Come, Cosmo. —I’m nane the less obleeged to ye, Jeames,” he added as he rose, “though I cud weel wuss yer opingon had been sic as wad hae pitten ’t i’ my pooer to offer ye a fee for ’t.”
“The less said aboot that the better, laird,” replied Jeames with imperturbability, and his large, silent smile; “the trowth’s the trowth, whether it’s paid for or no. But afore ye gang it’s but fair to tell ye—only I wadna like to be hauden ower strickly accoontable for the opingon, seein’ its no my profession, as they ca’ ’t, but I hae dune my best, an gien I be i’ the wrang, I naither hae nor had ony ill design intil ’t.—”
“Bless my soul!” cried the laird, with more impatience than Cosmo had ever seen him show, “is the man mad, or does he take me for a fool?”
“There’s some things, laird,” resumed Jeames, “that hae to be approcht oontil, wi’ circumspection an’ a proaper regaird to the impression they may mak. Noo, disclaimin’ ony desire to luik like an ill-bred scoon’rel, whilk I wad raither luik to onybody nor to yersel’, laird, I ventur to jaloose ’at maybe the maitter o’ a feow poun’s micht be o’ some consequence to ye,—”
“Ilka fule i’ the country kens that ’at kens Glenwarlock,” interrupted the laird, and turned hastily. “Come, Cosmo.”
Cosmo went to open the door, troubled to see his father annoyed with the unintelligibility of the man.
“Weel, gien ye wull gang,” said Jeames, “I maun jist tak my life i’ my han’, an’—”