"'Surge meo Domno dulces fac, fistula versus:
David amat versus, surge et fac fistula versus.
David amat vates, vatorum est gloria David
Qua propter vates cuncti concurrite in unum
Atque meo David dulces cantate camœnas.
David amat vates, vatorum est gloria David.
Dulcis amor David inspirat corda canentum,
Cordibus in nostris faciat amor ipsius odas:
Vates Homerus amat David, fac, fistula, versus.
David amat vates, vatorum est gloria David.'"