Fasta que pasasen otros siete annos cumplidos
Que de sete e de fambre serian fallecidos;
E no i abia aguas de cielo nin de rios;
Ansi como lo dijo Jusuf, asi fueron benidos.
I puso el Rei fieles para su pan bender,
Buenos e berdaderos segun el su saber,
E mando que diesen el derecho, ansi lo mando fazer,
E precio subido por el que fiz prender.
E mando a sus fieles que bendiesen de grado,
El uno a los de la tierra, e el otro a los de fuera del reinado,