Mucius[42] hæc secum, sortem indignatus iniquam,
(Tum primum proavis creditus esse minor)
Seque malis negat esse parem: cui Musa querenti,
"Tu genus humanum voce carere cupis?
Tene adeo fatis diffidere! Non tibi Natus
Quem jam signavit Diva Loquela suum?
En! ego quæ vindex 'mutis quoque piscibus' adsum,
Donatura cycni, si ferat hora, sonos,
Ipsa loquor vates: Patriæ decus addere linguæ
Hic sciet, ut titulis laus eat aucta tuis.