MARY
Awa’ wi ye. If ye hud a’ been as keen on mairryin’ me as ye think ye are, ye wud mebbe huv plucked up courage tae ask me shuner.
JOCK
A only waitet till ma mind wis med up fur sure. A wisnae long o’ askin’ ye whin it wis.
MARY
Then ye’ll jist hae tae wait till mine is med up. Whit’s sauce fur the goose is sauce fur the gander, ye ken.
JOCK
Ye couldnae gie me sae much’s a hint? Only a lick an’ a promise like?
MARY
Naw, A’m no’ makin’ no promises till A’m ready. Ye’re only wastin’ yer time, man, an riskin’ bein’ late tae.