Aye. Is the lad awa’ yit?
MARY
He’s jist awa’. Is onythin’ wrang?
ELLEN
Naw, lass, naw. A wid a’ liket to a’ seen him afore he went.
MARY
Will A rin efter im? He’s jist this meenit awa’.
ELLEN
An’ mak’ ‘im late? Naw, we musnae dae that. It wis only a fancy. A thocht A micht catch ‘im, but A widnae chance makin’ ‘im late. He tak’s a pride in bein’ at the pithead regular for the first cage gaun doon; he’d be rare an’ mad wi’ me if A brung him back fur naethin’.