Si menti virtus, virtuti præuia lucet
Pura fides: nihil hoc clarius esse potest.
Aurea virtutis species, fideiq., Philippe,
Præradians, cœlo sic tibi monstrat iter.
Scilicet hic vitæ Sol est, & Lucifer vnus:
Hæc Phœbe, noctem quæ fugat igne suo.
Quæ dum mente vides correcta lumina; mundi
Impauidus tenebras despicis, atq. metus.
Sol magno Phœbeq. micent, & Lucifer orbi:
Dum tibi sic virtus luceat, atq. fides.”[[93]]