Hinguar þā be·cōm tō Ēast-ęnġlum rōwende on þǣm ġēare
35
þe Ælfred æþeling ān and twęntiġ ġēara wæs, sē þe West-seaxna
cyning siþþan wearþ mǣre. And se fore-sæġda
Hinguar fǣrlīce, swā swā wulf, on lande be·stealcode, and
þā lēode slōg, weras and wīf, and þā unġewittigan ċīld,
and to bismere tūcode þā bilewītan Crīstenan. Hē sęnde
40
þā siþþan sōna tō þǣm cyninge bēotlic ǣrende, þæt hē
ā·būgan scolde tō his mann-rǣdenne, ġif hē his fēores rōhte.